كتبت هذه القصيده حيث عرفت سعد ماجدالبقمي على عمي الشيخ لافي الفايدي وعاهدني البقمي اذا عرفته برجل صادق وامين ومقتدر اني شريكه بكل امر فيه عقار وتعقيب ولكن البقمي اخلف عهده بالله ومحمد رسول الله ولكن حقي لن يضيع عند عمي الشيخ لافي ....
[من وصـــلك للطــيب ياذاكر الطــيب = ياللي مشيت مع الطريق امتحادي
أنــا الــــذي وصــــلتكم للمكاســـيب = وضيعت جهدي عندكم واجتهادي
كنت احسب إنك من رجال المواجيب = لين اعتلى فوق البياض السوادي
ياشرهت الله يالســــيوف المحــاريب = وين البقوم أهل الوفاء والمرادي
يا سعد الدنيـــــا دروس وتجــــاريب = يجـــيك من بعد الحراره بــرادي
الرجل ما يمشي دروب العـــــذاريب = ولا يمشي إلا في دروب الرشادي
صفيت لك يا هيـــه كل المشــــاريب = وولعت نارك واقدحت من زنادي
وقفيت عني لا منـــادي ولا مجـــيب = ومشيت لك مع درب تايه وغادي
وبرفع الدعوى لشيـــخ المناصــــيب = رجل ليابارو هل الجـــود جــادي
عمي أبو إبراهيم ذيـــب ولــد ذيـــب = إيديـــه تطلع فوق كـــل الايــــادي
المـدح فيه يــــليق ويزين ويطــــيب = نفحات جوده ريح عنــبر وكـــادي
بشرحــله الدعـــوى بخطه وترتـيب = حتى يجـــيب العلم عــلم وكــــادي
لا يشترك في الأمر جســاس وكليب = ويمشي علينا الأمــر هين وعـــادي
ومني لبو سامي ســـلام وتراحـــيب = طيبه على طيب الرجـــاجيل زادي
طيبه ترى ما فيه شــــك ولا ريـــب = عسى حيــــــاته كل أبوهاعيادي
بعد الفقر حطت شريحه وجوال ** يسعد مسا جوالهـا أو الشريحـه
كانت تجيني تشتكي قلة المال ** وتصيح لاجا طاري الفقرصيحـه
تقول ابويه دايم الدوم رحال ** وامي كبيره سـن دايـم طريحـه
وانت الوحيد اللي لك القلب ميال ** دايم يصارحني وانا له صريحه
طفله وانا معشوقها بين الاطفال ** جريح حب وطاح له في جريحه
كنا سوى نرسم على التربه امال** وأحلام تقتلها الحياه الشحيحـه
كم دمعةٍ كانت على الخد تنهال ** واذا نزلت ضاقت عليّ الفسيحـه
الله كم صرخه..وهمسه.. وموال ** الله كم جادت علينـا القريحـه
الله كم بيتٍ كتبناه يختال ** واقول انا (ابو سامي) وانتـي( !!!!!!! )
تخيل لومافالسماء برق وخيال ** وانكذب الايـام لوهـي صحيحـه
تقول لاحطيت لك بشت وعقال ** وسخّرلك الرحمن عيشه مريحـه
اخاف تتركني على عثرة الفال ** للفقر ووجيـه الحيـاه القبيحـه
وحبيتها بين الخلايق والازوال ** حبٍ يطول الوقت محـدٍ يزيحـه
وسلمتها قلبٍ تباريه الاهوال ** وطاح الخفوق وطيحة القلب طيحه
راحت وخلتني مع القيل والقال ** شاعر صواريف الدهر تستبيحـه
ودار الزمان وغير الحال بالحال ** وجاها الزمان بكل ورده وشيحه
فلة ..وخدامه.. ولكزس.وجوال** وانا عجزت ادفع رسوم الشريحه
السلام عليكم ورحمه الله وبركاته وكل عام ونتم يا اهل منتدى الخير جهينه بخير اود ان اشاركم بكلمتين عسى ولعل تلقى منكم القبول صدقوني اخواني ان الدنيا هاذي فانيه ولايبقى الا وجهه الله سبحانه ذو الجلال والا كرام رغم ذالك الناس في الايام الاخيرة طغت عليهم المادة اغلبهم ولايميزون الحلال من الحرام الرسول صلى الله عليه وسلم يقول وهو احسن البشر اعمار امتي مابين الستين والسبعين رغم ذالك تلقون الواحد عمرة طاف الستين وهو لاهي في الدنيا يطرد وراها وناسي ان وراة قبر وحساب ولايميز بين الحلال والحرام وياخذ حق الناسالله بعزته وجلاله يحسن خاتمتنا وخاتمتكم ويغنينا بحلاله عن حرامه وينصر كل مضلوم هاذا والسلام عليكم واخر دعوانا ان الحمد لله رب العالمين وصلى الله وسلم على اشرف الانبياء والمرسلين سيدنا محمد وعلى اله وصحبه اجمعين
قصه وقصيده...........................
قصه وقصيده........................... 
النمط الخطي
