صياف الحربي رحمه الله وسليمان العنيني

صياف الحربي/

سلام ردة وفاء لاهل المقام الكبير
الربعه اللي شرفها ساقني ساقني
ماتطفي النار والدنيا بخير كثير
وان عاش حربي على الدنيا يعيش جهني

سليمان /
يامرحبا ياهلا والدرب ماهوعسير
ومن زار بنك الذهب ياصاحبي يغتني
حنا نعرف العرب والحمل فوق البعير
وانته بعلمك تراك الليله ازعلتني

صياف /
الجابه الاوله عندك تبشر بخير
والثانيه تم عليها يعني يعني
لاتحتزم للمعارك وانت توك صغير
ماكل جسرا يهدون العرب يبتني

سليمان /
أنا غني والغني ماهو سواة الفقير
لا يابعيرا على حيد الطنف تستني
واضاهر انك قليبك يالسحيمي مطير
وابلشت نفسك يابو قلبين وابلشتني

صياف /
ماعندكم يابدو غير اللبن والمضير
ذكرتني قصة الرجال ذكرتني
وان كان سافرت الاردن في جماد الاخير
خذني معك( لاملج) وحطني حطني

سليمان /
فتشت دكانكم ما شفت حبة شعير
وكان التجاره عظيمه نادني نادني
نبغا نسلمك سالم وابن عمه سمير
واشرب من الماء لمنك يااجودي تهتني

صياف /
ياراعي الخيل قبل الصبح بيع الحمير
وانزل بدار الربيع احسنلك من السني
وان كان ودك تنام الليل فوق السرير
ماني مصحيك لين تقولي صحني

سليمان /
حنا اختلفنا على ميله بسلك الحرير
لكن بكره بضيف الصاحب الاردني
يلي مضراء على صحبة قطيع المرير
انا رجل والكلام الشين ما شدني

صياف /
لا تحفر البير لين يروح جم الغدير
وانا لاشفت نقص وزود ماهمني
وان كان قسمتك شينه طشها وسط بير
وان كان قسمتك زينه بدني بدني